Tónlistin(n) 2012

Líkt og fyrri ár í aðdraganda árshátíðar, hefur tónlistarstjóri //Cyberg klúbbsins kallað eftir þeim lögum sem flæddu um hljómtæki klúbbmeðlima á liðnu ári. Þó nú sé kominn apríl reyndist það nokkuð þægilegt að grafa upp þau lög sem fengu hvað mesta spilun og flestar stjörnur hjá undirrituðum í Google Play á síðasta ári. Hér er því listinn yfir lögin sem ég legg til grundvallar árslistans, 2012:

Can Deny (Monotown)
Heimförin (Ásgeir Trausti)
Beach House (Myth)
Ayla (The Maccabees)
Hafið er svart (Jónas Sig)
1904 (The Tallest Man on Earth)
Retro Stefson (Julia)
Yet Again (Grizzly Bear)
Tenderloin (Tilbury)
Lonely Boy (The Black Keys)
War Hero (Biggi Hilmars)
Rabbit Hole (Temper Trap)
Montreal (The Weeknd)
Saint Nothing (Daniel Rossen)
New York (Snow Patrol)
Outlandish (Warrior/Worrier)
Yfir Borgina (Valdimar)
Angels (The XX)
Take a walk (Passion Pit)
Madness (Muse)
Heaven (The Walkmen)
Hallways (Islands)

Heimaræktin

Í veikri von um að komast í eilítið betra form hefur húsfaðirinn i Hvarfinu komið sér af stað í æfingaprógram sem keyrt er áfram á stofugólfinu. Fjárfest var í æfingadýnu í Rúmfatalagernum og síðan hefur allt traust verið lagt á video-þjálfun á netinu. Í morgunsárið var farið í gegnum þrjár æfingar með dyggri aðstoð Þórdísar Kötlu.

Upphitun…

Æfing…

Teygjur í lokin…

Tinna og Signý Hekla í jóla video (1:28)

Sunnudagssæla

Fjölskyldunni var boðið í dýrindis hádegismat þennan sunnudaginn. Fyrir nokkru var undirritaður ansi séður og kom innra lærisbita úr frystinum í hendurnar á sérfræðingi. Ég naut ávaxtar þeirrar góðu ákvarðanatöku þegar amma og afi buðu okkur fjölskyldunni í sunnudagssteik í dag; roast beef með öllu tilheyrandi. Systurnar voru heldur betur sáttar og átu á sig gat eins og pabbinn. Í kjölfar einnar veislu fylgdi svo önnur þegar Hanna tengdaamma mín fagnaði 91 árs afmælinu sínu með glæsibrag seinni partinn… geri aðrir betur. Góður dagur að kveldi komin.

Sjónvarpsgláp

Systurnar góðar saman fyrir frsman sjónvarpið

Sir Alex bróðir minn

Í sumar bættist nýr meðlimur í fjölskylduna, lítill smekklegur Cairn Terrier hvolpur. Sá litli var samstundis aðlaður og fékk hið virðulega nafn Sir Alex Ferguson. Hann er þegar kominn í mikið uppáhald hjá frænkum sínum í Hvarfinu, sem fengu að passa hann um helgina síðustu. Merkilegt nokk þar sem Þórdís Katla og hvers kyns dýr hafa til þessa ekki átt mikla samleið…

Hjólað í góða veðrinu

Eftir stífar æfingar á hjólinu hefur Signý Hekla náð góðum tökum á listinni að hjóla.